ఈనాడు దినపత్రిక ఆదివారం పుస్తకంలో వెలువడే 'మంచి మాట' శీర్షిక. (A collection of Manchi Maata column printed every Sunday in Eenadu Sunday book.)
విజేతల దగ్గర ఎప్పుడూ ఉండే ఆయుధాలు రెండు . . మౌనం, చిరునవ్వు. సమస్యలు పరిష్కరించుకోవడానికి నవ్వు, సమస్యలు రాకుండా జాగ్రత్త పడటానికి నవ్వు.
ప్రతీరోజూ తెల్లవారేసరికి రెండు మార్గాలు . . . ఇంకా నిద్రిస్తూ కలలు కనడం, లేచి ఆ కలల సంగతి తేల్చడం.
వాదించేవారికి ఎంత తక్కువగా స్పందిస్తే అంత ప్రశాంతంగా ఉండగలవు.
అతి కష్టమైన పని నిన్ను నీవు తెలుసుకోవడం. అతి సులభమైన పని ఇతరులకు సలహాలు ఇవ్వడం.
అదృష్టం అంటే ఆస్తిపాస్తులు కాదు . . చేతి నిండా పని, కడుపునిండా తిండి, కంటినిండా నిద్రతోపాటు కష్టసుఖాలను పంచుకునే సన్నిహితులు ఉండటం.
